👉 Preguntas frecuentes e documentación da charla

Martes 9 de febreiro ás 20:00. Anímate a participar a través desta ligazón.

Unha das principais opcións que temos as investigadoras predoutorais para conseguir financiamento nos inicios da nosa carreira investigadora en Galicia é optar ás axudas predoutorais da Xunta de Galicia, que este ano chegan cargadas de novidades.

Desde a Asemblea de Investigadoras de Compostela organizamos unha xuntanza informativa que terá lugar o vindeiro martes día 9 de febreiro ás 20:00 horas. Destriparemos convosco a convocatoria deste ano e trataremos de dar resposta ás cuestións que nos formuledes: 

• Como funcionan os procedementos de solicitude?
• Como son os procesos de avaliación?
• Cantos e como son os anos de contrato?
• Como e cando podo irme de estadía? 
• …

Por mor das restricións sanitarias derivadas da pandemia de COVID-19, a xuntanza terá lugar de xeito telemático a través da plataforma Microsoft Teams. Non dubidedes en conectarvos.