Accede á charla a través desta ligazón!

O 11 de febreiro ás 19:30 a través de Microsoft Teams, celebrarase unha charla organizada polo GdT de Xénero na que a nosa compañeira Beatriz Álvarez, doutoranda no Departamento de Matemáticas, presentaranos o proxecto de innovación docente “Te lo cuentan las matemáticas” da Universidade de Vigo, do que forma parte e que está patrocinado pola FECYT e o Consello Social da UVigo.

Nesta presentación tratarase a importancia de aprender matemáticas dun xeito diferente, para que estas deixen de ser unha materia aborrecida. Co gallo do Día da Muller e a Nena na Ciencia, o evento centrarase tamén na análise das diferentes percepcións que os nenos e nenas teñen respecto da disciplina e, sobre todo, na necesidade de que as mulleres matemáticas deixen de ser as grandes esquecidas para converterse nos referentes das nenas de agora, que serán as matemáticas do futuro.

Seguidamente da presentación, abrirase unha quenda de debate.