Proxección do documental «Tódalas mulleres que coñezo»

Temos o pracer de contarvos que o vindeiro luns 25N, co gallo do día contra as violencias machistas, proxectaremos ás 17.00 h. no Salón de Actos da Facultade de Filosofía o documental «Tódalas mulleres que coñezo» (2018), dirixido por Xiana do Teixeiro.

Contamos coa gran sorte de que ese día nos acompañen a directora e unha das protagonistas do filme, Beatriz Rodríguez, quen é ademais investigadora. Tras o documental teceremos unha conversa con elas sobre violencias e universidade, na que todo o mundo está convidado a participar. Unha vez rematada a actividade, iremos xuntas á concentración na praza 8 de marzo. Agardámosvos!