Desde o GdT de Xénero da AIC, queremos convidarvos a asistir a un coloquio con Celia Arroyo, científica e activista polos dereitos laborais do colectivo investigador, que terá lugar o vindeiro luns 29 de novembro ás 19:30.

Celia Arroyo sufriu acoso laboral no eido académico e, desde que denunciou a súa situación ante as institucións, traballa por concienciar sobre a importancia de desenvolver mecanimos de prevención e axuda para as vítimas. De aí que promovese a petición 1132/2020 para a creación dun órgano europeo co que previr o acoso laboral na academia.

A charla será a través de Teams. Ese día, algunhas compañeiras e compañeiros conectarán coa videoconferencia desde a aula 8 da Facultade de Xeografía e Historia, polo que se che apetece escoitar á nosa convidada en compañía, alí te agardamos!